GRAN CASINO é un concurso no que se combinan dous coñecidos xogos de azar: o black-jack, con preguntas moi diversas formuladas de modo semellante ó "trivial", e a ruleta, con apostas a un só número por parte de cada concursante, así como catro ou cinco probas: unha de coñecementos e tres ou catro de habilidade.
Catro concursantes compiten por conseguir premios finais en base á puntuación obtida nas probas e nas preguntas.
O público asistente á gravación participa no programa mediante un concurso deseñado ó efecto e patrocinado por unha marca comercial.
Espectáculo e sorpresa avalarían o éxito do programa na grella de TVG, onde GRAN CASINO sempre foi un dos espazos preferidos pola audiencia e ofreceu máis de 70 noites de diversión.